Bħalissa qed jidher fis-swali taċ-ċinema il- film Murder on the Orient Express.
Parti mix-xeni tal-film saret ukoll fil-belt kapitali Valletta, fejn ħafna mill-atturi ġew f’pajjiżna. Hercule Poirot ħadimha Kenneth Branagh li dderieġa wkoll il-film filwaqt li l-lista ta’ atturi f’dan il-film tinkludi ismijiet bħal Johnny Depp, Michelle Pfieffer, Judi Dench, Penelope Cruz u Willem Dafoe.
Ix-xeni miġbuda f’Malta jinkludu xeni fejn il-karattri ewlenin fil-film imorru lura fiż-żmien, u joffru sfont kemm bħala Ġerusalemm fejn insibu lil Hercule Poirot għal vaganza u anki bħala Istanbul fejn jintalab imur jibda jinvestiga.
Malta qed tkompli tkun protagonista fis-settur ċinematografiku u tattira diversi investimenti f’dan is-settur.
