Is-Senatur Amerikan Cory Booker kiser ir-rekord tal-itwal diskors qatt mgħoti fis-Senat meta dam jitkellem għal 25 siegħa u 4 minuti.
L-indirizz maratona tad-Demokratiku minn New Jersey, kien protesta simbolika kontra l-President Donald Trump li magħtulu tkellem dwar dak li sejjaħ ‘mument urġenti u gravi fl-istorja Amerikana’.
Din mhux l-ewwel darba li saru tali diskorsi iżda ġeneralment ikunu intenzjonati li jostakolaw l-approvazzjoni ta’ liġi u r-regoli għal dawn it-tip ta’ diskorsi huma li l-kelliem irid jibqa’ bil-wieqfa u ma jieħux lanqas pawsa għall-bżonnijiet naturali.
Ir-rekord preċedenti kien dak tas-Senatur Repubblikan Strom Thurmond li kien tkellem għal 24 siegħa u 18-il minuta kontra l-abbozz tad-drittijiet ċivili fl-1957.
Booker beda l-indirizz tiegħu it-Tnejn filgħaxija u baqa sejjer sat-Tlieta filgħaxija.
Is-Senatur, li għandu 55 sena, mela’ ftit mill-ħin billi qara ittri minn kostitwenti jilmentaw minn ħsara li saritilhom bil-politika ta’ Trump. L-eks kandidat presidenzjali uża l-ħin ukoll biex jiddiskuti l-isport, jaqra l-poeżiji u jirrispondi mistoqsijiet mingħand il-kollegi tiegħu.
Ta’ dixxindenza Afrikana, huwa tkellem ukoll dwar l-oriġini tiegħu u l-perjodu tal-iskjavitu.
Il-Partit Demokratiku, li jinsab fl-oppożizzjoni issapportja lil Booker matul dan is-simbolu ta’ protesta.
