Filmat li ttella’ mis-sit SkyNews wera l-mument meta tifel ta’ sentejn salva lil ħuh tewmi, dan wara li gradenza għelbet fuqhom.
Il-filmat juri kif it-tewmin Brock u Bowdy Shoff, minn Utah, jidhru jitilgħu fuq il-kxaxen tal-gradenza, fejn ftit wara għelbet fuqhom. Ġara li filwaqt li Bowdy ħareġ minn taħtha, Brock weħel u ma setgħax joħroġ.
Kien propju f’dak il-mument meta Brock beda jimbutta l-gradenza u jipprova jeħles lil ħuh minn taħtha fejn ftit wara l-filmat juri lil Brock ħiereġ minn taħtha.
Il-filmat tpoġġa minn missier it-tewmin, Ricky Shoff, sabiex iwissi lill-ġenituri dwar x’jista’ jiġri meta ċertu tip ta’ għamara ma tkunx imweħħla mal-ħajt.
