Ħaddiema tax-xatt 25B waqfu għal ftit minuti għall-isfida popolari li tissejjaħ il-manequin challenge. Sfida mhux tas-soltu li waslet biex tinġabar somma ta’ flus għal Puttinu.
Din l-isfida tara lill-parteċipanti jieqfu tal-post u ma jiċċaqalqux fejn b’kanzunetta għaddejja fl-isfond il-kamera tibda ddur madwar kull parteċipant.
Il-ħaddiema tax-xatt temmew il-messaġġ tagħhom billi ħeġġew lil kulħadd biex jieħdu eżempju minn din l-idea hekk kif għotja bħal din tkun qed tmur għal min hu fil-bżonn.
