Il-kanzunetta Macarena ta’ Los del Rio, hi kanzunetta li ħadet fama mundjali fis-snin 1995, 1996 u l-1997 fejn kienet tindaqq waqt tiġijiet, attivitajiet u saħansitra postijiet tad-divertiment. Minkejja li din il-kanzunetta hi ta’ grupp barrani, dan ma jfissirx li ma ħallietx l-effett tagħha f’Malta f’dawk is-snin.
Filmat li ġie shared fuq is-sit soċjali Facebook juri diversi personalitajiet Maltin fosthom Lawrence Gray, Allison Ellul u Jesmar Baldacchino flimkien ma’ bosta tfajliet fl-istabbilment tal-Isplash & Fun f’Baħar iċ-Ċagħaq.
Filmat li żgur mhux forsi jġedded memorji sbieħ ta’ dak iż-żmien.
