Raġel iddaħħal l-Isptar Mater Dei wara li ġlieda li kellu ma’ raġel ieħor f’Santa Venera.
Il-ġlieda nqalgħet għall-ħabta tas-6.15 p.m. fi Triq Ġuże Flores f’Santa Venera.
Fuq il-post issejħu l-Pulizija sabiex jikkontrollaw is-sitwazzjoni, u ambulanza biex tieħu lir-raġel l-Isptar mill-iktar fis.
Filmat mibgħut lil one.com.mt juri liż-żewġt irġiel jħebbu għal xulxin biċċa għodda u injama.
Il-kundizzjoni tal-vittma għadha mhux magħrufa, għalkemm sorsi fuq il-post qalu li r-raġel ġarrab ġrieħi f’rasu.
Il-Pulizija qed tinvestiga l-każ.
