Il-kantanta ta’ fama internazzjonali, Jessie J, mhux biss kienet f’pajjiżna iżda saħanistra kantat f’tieġ li sar fis-Siġġiewi, propju fil-Limestone Heritage.
Jessie J poġġiet il-filmat tagħha tkanta waqt dan it-tieġ f’pajjiżna fuq Instagram u kitbet “what the bride wants, the bride gets.” Fil-fatt mhux xena ta’ kuljum li f’tieġ lokali tkanta, kantanta ta’ fama internazzjonali.
It-tieġ li fih kantat Jessie J kien tal-istilista tal-ħwejjeġ tal-kantanta stess, Madeleine Bowden, li saħanistra kienet ukoll l-istilista ta’ kantanti oħra bħal Nicole Scherzinger fuq X Factor u hija magħrufa ukoll mad-dinja kollha. Jidher li pajjiżna qed ikompli jkun ta’ attrazzjoni mhux biss għal koppji li qed jagħżlu Malta għall-ġurnata speċjali tagħhom iżda anke għal ċelebritajiet.
