50 għawwiema li huma membri fil-klabb tal-waterpolo ta’ Marsaskala dalgħodu qabżu qabża f’baħar kiesaħ silġ. Dan bil-għan li jiġbru ammont ta’ flus b’risq l-Istrina.
Din kienet il-ħames edizzjoni ta’ The Santa’s Swim imtella’ mill-Marsaskala Sports Club. Din l-attività bdiet ħames snin ilu meta grupp ta’ persuni kienu qed jieklu ħdejn ix-xtajta ta’ Marsaskala u sfidaw lil xulxin b’mod spontanju.
Minn dak iż-żmien l’hawn huma baqgħu jagħmlu din l-imħatra bil-għan li jiġbru l-flus għal għan nobbli fejn il-flus miġbura se jkunu qed jiġu ppreżentati aktar tard waqt l-Istrina.
