Iż-żmien tal-Milied huwa żmien sabiħ fejn il-familja u l-ħbieb jingħaqdu flimkien, u hekk għamlet din il-familja iżda b’mod differenti. Filmat li ntwera għal aktar minn tliet miljun darba fuq Youtube juri familja li ngħaqdet flimkien għar-raba’ sena konsekuttiva biex joħolqu żifna ħelwa flimkien.
Din il-familja magħmula minn għaxar membri, għandhom tradizzjoni ta’ kull sena li tinvolvi lil kulħadd fi żmien il-Milied. Għar-raba’ sena konsekuttiva, għaż-żifna tal-Milied, il-familja ddeċidiet li toħloq korografija għal mal-kanzunetta tal-kantant Justin Bieber “Santa Claus is Coming To Town.”
Iż-żifna tibda bl-għaxar membri tal-familja, tmient itfal u żewġ ġenituri, żifna li bħalissa tinsab iddur fuq l-internet b’mod virali.
