HBO nedew l-ewwel filmati qosra mis-serje televiżivi li għandhom għal din is-sena, fejn fosthom insibu s-serje popolari ferm Game of Thrones.
Fil-filmat, li fih jinkludi biċċa qasira fuq kull serje juri laqgħa importanti bejn żewġ karattri ewlenin. Din is-sena Game of Thrones se jkun qed jintemm bl-aħħar serje finali tiegħu li mistenni jibda f’April li ġej.
Fil-filmat tidher il-wasla ta’ Daenerys Targaryen f’Winterfell flimkien ma’ Jon Snow. Hi tintlaqa’ minn Sansa Stark fejn tgħidilha “Winterfell is yours, your grace”. Flimkien fix-xena jidhru wkoll Brienne of Tarth u Ser Jorah Mormont.
Fil-filmat jidher ukoll Night King riekeb fuq id-dragun Viserion.
