Deputati miż-żewġ naħat tal-kamra lbieraħ warrbu għal ftit l-ideal politiku tagħhom biex flimkien żifnu u kantaw il-macarena bi preparazzjoni għall-akbar festa ta’ karità li ssir f’pajjiżna; l-Istrina.
L-Istrina ssir fis-26 ta’ Diċembru l-għada tal-Milied fejn minn sena għall-oħra jinġabru somom kbar ta’ flus li jintużaw għal kawża ġusta.
Din is-sena din il-festa ta’ solidarjetà se ssir fil-kumpless sportiv f’Ħal Kirkop. Apparti l-mumenti ta’ għaqda u kuraġġ, ikunu ħelwin ukoll il-mumenti fejn naraw diversi personalitajiet u politiċi jieħdu żvolta oħra dejjem bil-għan li jħeġġu lill-poplu jkompli jgħin u jagħti d-donazzjonijiet ġenerużi tiegħu.
