Il-Karnival ta’ Malta din is-sena se jsir bejn l-24 u t-28 ta’ Frar. Dan il-filmat juri l-promo uffiċjali għal din is-sena. Ilbies imlewwen, żeffiena maskarati u karrijiet jkunu t-tema ewlenija fil-Kapitali f’dan iż-żmien. It-tfal diġa’ qed jippjanaw u jaħsbu ta’ liema karattru x’se jilbsu din is-sena filwaqt li l-ħidma u l-ippjanar għal dawn il-ġranet ilha għaddejja ġmielha propju minn tmiem il-Karnival tal-2016.
Din is-sena, se jkun hemm iktar attivitajiet relatati ma’ tradizzjonijiet Maltin, b’serata minnhom se tkun iddedikata propju għal din it-tema. L-attivitajiet se jkunu ffokati kollha l-Belt Valletta, u l-grand defile bħas-soltu jibda mil-Floriana.
Il-poster ta’ din is-sena huwa disinjat mill-artist Għawdxi Manuel Farrugia.
