Disney nediet l-ewwel silta mill-film il-ġdid ‘The Lion King’. Silta li tiżvela u tagħti l-ewwel ħarsa lejn il-verżjoni l-ġdida tal-karattru Simba, bil-vuċi tal-attur Donald Glover, u l-karattru tant sinonimu wkoll ma’ ‘The Lion King’, Mufasa bil-vuċi tal-attur James Earl Jones.
Żgur mhux forsi li dawk it-tfal li twieldu lejn l-aħħar tas-snin 80 u fis-snin 90 huma familjari mal-film ‘The Lion King’ b’bosta jibqgħu jgħidu li hu wieħed mill-aktar films tal-cartoon ta’ tfulithom li jibqa’ marbut ma’ qalbhom hekk kif Simba, il-karattru ewlieni, serqilhom qalbhom minn x’ħin Rafiki iżommu u jgħollih biex jurih lill-annimali kollha.
Il-film mistenni joħroġ fis-Sajf tal-2019 u mistenni jkun fuq l-istess storja tal-ewwel film li kien ħareġ lura fl-1994.
