Skont is-sit knowledgeonline.com, film ġdid ibbażat fuq l-istorja vera ta’ hijacking se jinġibed f’Malta u fir-Renju Unit.
Il-hijack seħħ fl-1976, meta ajruplan tal-Air France kien sfurzat jinżel fl-ajruport ta’ Entebbe fl-Uganda. Għexieren ta’ ostraġġi kienu nżammu abbord filwaqt li t-terrositi talbu l-ħelsien ta’ 40 militant Palestinjan li kienu qed jinżammu f’ħabs fl-Iżrael. Kienu talbu wkoll il-ħelsien ta’ 13-il priġunier minn erba’ pajjiżi oħra. Id-dinja kollha kienet segwiet is-sitwazzjoni li damet ġimgħa, sakemm forzi Iżraeljani wettqu ħidma ta’ salvataġġ. Wara siegħa u nofs intemmet il-missjoni, b’102 mill-106 ostaġġi isalvaw.
Rosamund Pike, Daniel Bruhl u Vincent Cassel huma fost dawk imsemmija li jieħdu sehem.
