Fl-aħħar sigħat fiequ 19-il persuna oħra mill-Coronavirus u feġġew 27 każ minn fost 1,636 test.
Dan ifisser li 98.3% tat-testijiet li saru ġew negattivi, u 1.7% ġew pożittivi.
Sa issa fiċ-ċentri tal-ittestjar f’pajjiżna saru 874,285 test.
Mindu beda jingħata l-vaċċin kontra l-Covid-19, ingħataw 346,951 doża. Minnhom, 109,933 persuna ħadu t-tieni doża.
Intant, fl-aħħar erbgħa u għoxrin siegħa ma kienu rrappurati l-ebda imwiet b’rabta mal-Covid-19.
