Mis-16 sad-19 ta’ Diċembru, Malta ser tilqa’ madwar 200 baħri li ġejjin minn 30 pajjiż, kollha lesti biex jikkompetu fil-Klassijiet Optimist u ILCA. Ta’ nota l-fatt li l-parteċipanti tal-Klassi ILCA ser jkunu parti mill-Europa Cup, sensiela ta’ regatti li jsiru f’diversi postijiet rinomati madwar l-Ewropa. Bħala l-avveniment tal-qofol tal-kalendarju ta’ din is-sena, it-trofew tal-Europa Cup, ser jkun missielet u jwiegħed battalja eċċitanti fuq l-ilma, avveniment li ser jimmarka l-qofol tal-istaġun tax-xena internazzjonali fl-ibburdjar.
L-ewwel edizzjoni tal-Euromed Regatta kienet dik għal baħrin tal-klassi Optimist Maltin, iżda minn dak iż-żmien l’hawn, evolviet f’regatta internazzjonali annwali, li issa qed tiċċelebra t-23 edizzjoni tagħha. Il-Malta Young Sailors Club ftit antiċipa li dak li beda bħala avveniment zgħir kien se jittrasforma f’kompetizzjoni rikonoxxuta globalment, u tespandi biex tinkludi l-Klassi ILCA.
Klassi Optimist
Il-Klassi Optimist hija d-dgħajsa rikonoxxuta internazzjonalment li hi iddisinjata għal parteċipanti taħt is-16-il sena. Matul is-snin, ir-Regatta kienet fażi għal bosta baħrin li kitbu isimhom fl-istorja tal-ibburdjar. Fl-2016, Marco Gradoni kien iċ-champion tar-Regatta. Issa, ta’ 19-il sena, Gradoni għandu d-distinzjoni li huwa l-ewwel baħri Optimist fl-istorja li kiseb tliet titli konsekuttivi tal-Kampjonat tad-Dinja, u stabbilixxa lilu nnifsu bħala l-iżgħar rebbieħ tal -Premju Rolex World Sailor of the Year. Fil-vjaġġ notevoli tiegħu f’dan l-isport, Gradoni kompla jissema u reċentement kien wieħed mit-tmunier tat-tim Luna Rossa Prada Pirelli, li kiseb it-tieni post fit-tieni avveniment preliminari tas-37 America’s Cup.
Fost dawk preżenti din is-sena, jiġġieled biex jirrepeti l-prestazzjoni tas-sena l-oħra hemm Joan Domingo, li kiseb ir-rebħa fl-edizzjoni tal-2022 u l-5 pożizzjoni fir-Regatta taċ-Champions 2023 ferm kompetittiva. Fost it-talent lokali, Thomas Wilson, iċ-Champion Nazzjonali Malti renjanti, jinsab lest li jingħaqad mal-100 parteċipant oħra.
EurILCA Europa Cup
L-EurILCA Europa Cup, li se tara l-konklużjoni tagħha f’Malta u wkoll ġibdet parteċipanti notevoli ħerqana biex jiksbu punti kruċjali. Fil-kategorija ILCA 4, Semen Sokol (UKR) u Archie Munro-Price (GBR) huma fuq quddiem fil-klassifika ġenerali, b’Sokol bħalissa jinsab quddiem fil-klassifika.
Sfidanti lokali, li jinkludu Timmy Vassallo—iċ-Champion Nazzjonali renjanti ta’ Malta, li għadda minn karriera ta’ Optimist ta’ suċċess kbir—flimkien ma’ Katrina Micallef u Max Busuttil, lesti li jippreżentaw sfida formidabbli fil-Mellieħa. Involuti f’kompetizzjoni mill-qrib, dan it-talent lokali ilu b’mod konsistenti jimbutta lil xulxin f’kull regatta.
“Dak li bdiet bħala regatta lokali evolviet f’avveniment rikonoxxut internazzjonalment, li tattira baħrin minn madwar id-dinja. Is-sinifikat ta’ dawn ir-regatti ma jistax jiġi emfasiżżat biżżwjjed. Huma mhux biss ipoġġu kontinwament lill-gżira ċkejkna tagħna fuq quddiem nett fl-isport tagħna, iżda jservu wkoll bħala opportunitajiet ta’ tlielaq internazzjonali proprju fl-ibħra tagħna. It-tkabbir u r-rikonoxximent ta’ din ir-regatta jenfasizzaw ir-rwol vitali tagħha fil-promozzjoni kemm tal-komunità lokali tagħna kif ukoll tal-ispirtu usa’ ta’ kompetizzjoni internazzjonali fl-ibħra madwar gżiritna.” stqarr Christian Bajada, Commodore, Malta Young Sailors Club.
It-23 Edizzjoni tal-Kampjonati Euromed Mapfre hija appoġġjata minn Mapfre Insurance, PWC Malta, Yachting Malta, Eyetech, Greens, Mdina Glass, Munchies, RLR Yachting.
