Bejn il-Ħamis 26 u l-Ħadd 29 ta’ Settembru, il-Malta Drag Racing Association se torganizza r-raba’ round tal-Kampjonat Nazzjonali tad-Drag Racing f’Hal Far Raceway. Dan ir-rawnd, antiċipat bil-ħerqa u li qed jissejjaħ Valvoline Fall Nationals, ġibed rekord ta’ applikanti, 87 vettura ta’ diversi tipi, fosthom numru meraviljuż ta’ 10 dragsters, numru simili ta’ muturi u aktar. L-avveniment qed iwiegħed skala kbira ta’ eċċitament.
Bil-kampjonat ta’ ħames rawnds issa fir-raba’ rawnd tiegħu, il-kompetizzjoni hija mistennija li tintensifika. Mid-dragsters ta’ erba’ ċilindri, sitt ċilindri, tmin ċilindri u li jaħdmu bil-metanol sa firxa diversa ta’ karozzi u muturi, il-klassijiet kollha se jkunu preżenti. Dan jiżgura li jkun hemm xi ħaġa għal kull dilettant tat-tiġrijiet tal-kwart ta mil.
L-MDRA hija impenjata biex ittejjeb is-sigurtà tas-sewwieqa u l-esperjenza ġenerali tal-ispettaturi. Ir-raba’ rawnd tal-Kampjonat Nazzjonali tad-Drag Racing ser joffri esperjenza saħansitra aħjar minn edizzjonijiet preċedenti, b’fokus qawwi fuq is-sigurtà, li jiżgura avveniment sigur u pjaċevoli li m’għandux jintilef.
L-issetjar u ittestjar tal-karozzi jibda nhar il-Ħamis 26 fl-ebgħa ta wara nofsinhar, ittestjat il-Ġimgħa 27 miss-siegħa ‘il quddiem, kwalifikazzjonijiet is-Sibt 28 minn nofsinhar ‘il quddiem u l-Eliminazzjonijiet il-Ħadd 29 mill-ħdax ‘il quddiem.
Il-biljetti huma disponibbli online fuq maltadragracing.com u jkunu disponibbli ukoll fil-bieb.
