Il-Finali tal-Kampjonat Nazzjonali tad-Drag Racing, ippreżentati minn Haltech u Race Winning Brands, li huwa l-aħħar tiġrija tad-drag tal-Ewropa ser issir mill-Malta Drag Racing Association ġewwa t-trakka ta Ħal Far, u magħha jiġi l-eċitament li jinkisru rekords u sewwieqa jigu inkurunati champions.
Bosta kategoriji mistennija jingħaqdu f’post wieħed bħal Top Fuel, Quickest and Fastest Imports in Europe, 6 Second Bikes u ħafna aktar. Kompetituri minn madwar l-Ewropa qed jippreparaw għal dan l-avveniment, b’madwar 10,000 spettatur mistennija jattendu.
Duncan Micallef ser jerġa’ jipprova jagħmel ġirja ta 3.99 sekondi. L-ewwel import dragster li għamel 5 sekondi fl-Ewropa minn Cinel Automotive se jkun lura fit-trakka. Kompetitur promettenti se jkun XII Racing wara li waqqaf ir rekord tad-dragster ta’ 4 ċilindri f’ 6.10 sekondi. Fil-kategorija Doorcar se jkun qed jikkompeti Justin Muscat, wara li daħal fis-6 sekondi, Clint Fenech, bil-Cosworth tiegħu li kiseb 6 sekondi u Nathan Bartolo bil-Mazda Rx7 tiegħu li se jkun qed jingħaqad magħna wara nuqqas ta’ 7 snin wara li stabbilixxa r-rekord tal ewwel doorcar li laħqet il-marka tas-6 sekondi fl-2017. Is-sewwieqa tal-muturi Glenn Borg u Stuart Crane fil-kategorija Top Fuel Bike. Bit-tnejn li huma b’ 6 sekondi taħt isimhom, hija mistennija li ħa tkun kompetizzjoni li sabiħa u li ma tistax tintilef. Magħhom jikkompetu se jkun hemm xufiera lokali fosthom Simon Giordimaina, Shawn Buttigieg u Briegel Micallef. B’ kull sewwieq għandu l-motivazzjoni tiegħu, kemm jekk ikun biex jirbaħ jew biex jistabbilixxi xi rekord. Dan l-avveniment se jkun qed isir bejn l-14 u s-17 ta’ Novembru f’ Hal Far Raceway. Biex tiżgura post fl’ udjenza, ibbukja online https://www.maltadragracing.com/buy-online-tickets/.
