Fl-ewwel tmiem il-ġimgħa tax-xahar id-dieħel, Fgura United FC se tkun qed torganizza maratona ta’ ħamsin siegħa futbol bla waqfien b’risq Puttinu Cares.
Din se tkun it-tielet edizzjoni ta’ din ix-xorta organizzata mill-klabb ta’ Fgura United bl-aħħar waħda tkun organizzata lura fl-2018 fejn inġabru aktar minn disa t’elef ewro.
Fgura United qed jistiednu lill-pubbliku biex iżur l-attività li ħa ssir fil-grawnd tal-Fgura u jagħti d-donazzjoni tiegħu.
Minn jixtieq jagħti d-donazzjoni tiegħu jew jikteb tim jikkuntattja lil klabb fuq in-numru 79933010.
Dan qed isir bħala parti miċ-ċelebrazzjonijiet tal-ħamsin anniversarju mit-twaqqif tal-klabb ta’ Fgura United.
