Ferrovija tibdel ir-rotta u taħbat ma’ ferrovija oħra u tħalli kważi 300 persuna mejta fl-Indja

Minn tal-inqas 288 persuna mietu filwaqt li 900 persuna oħra ndarbu kawża ta’ ħabta bejn diversi ferroviji fl-Indja. 

Aktar minn mitejn ambulanza ssejħu fuq il-post sabiex jassistu. 

Huwa mifhum li waħda mill-ferroviji li kienet qed iġġorr fuqha diversi passiġġieri biddlet ir-rotta tagħha qabel sfortunatament intlaqtet minn ferrovija oħra. 

Dan qed jitqies bħala l-agħar inċident bil-ferroviji tas-seklu fl-Indja. Dan filwaqt li uffiċjali qed jistennew li l-ammont ta’ nies li tilfu ħajjithom jikber b’mod konsiderevoli.