Awwissu mmarka rekord ieħor fl-iffirmar tal-konvenji hekk kif ġew iffirmati 1,300 konvenju għal xiri ta’ propjetà b’valur totali ta’ €300 miljun.
Ħabbret dan l-Assoċjazzjoni Maltija tal-Iżviluppaturi, l-MDA, hekk kif spjegat li abbażi tal-konvenji ffirmati għax-xiri tal-propjetà f’pajjiżna, dan ix-xahar kien l-aħjar wieħed f’4 snin.
Fil-fatt, l-Assoċjazzjoni Maltija tal-Iżviluppaturi fi stqarrija qalet kif dawn iċ-ċifri eċċellenti huma frott il-proposti implimentati fil-Pjan ta’ Riġenerazzjoni Ekonomika ta’ €900 miljun li ħabbar il-Gvern, f’Ġunju li għadda.
Qalet li grazzi għal dawn il-miżuri, rendiet il-fiduċja fis-settur u b’hekk seta’ kien hemm dan it-tkabbir.
Mindu tħabbru miżuri bħal dik tat-tnaqqis fuq it-taxxa tal-boll fuq xiri ta’ propjetà għal min jixtri għall-ewwel darba sal-aħħar tas-sena, ġew iffinalizzati 4,088 konvenju.
Ċifra li turi kemm il-miżuri mħabbra mill-Gvern ħallew il-frott.
B’reazzjoni għal din l-aħbar, il-Prim Ministru Robert Abela qal li dan kollu jammonta għall-valur ta’ €860 miljun. €100 miljun iktar mill-2019.
Saħaq li permezz ta’ dawn il-miżuri fl-isfond ta’ pandemija li ħarbtet lid-dinja, Gvern Laburista qed joħloq ġenerazzjoni ġdida ta’ sidien ta’ djar.
Last #August, like June & July, promises of sale were more than in 2019, best month since 2017. A #record 4088 POS since our plan for a #bettertomorrow, reaching a value of €860 million, €100 million more than 2019. Creating a #new #generation of #home #owners – RA
— Robert Abela (@RobertAbela_MT) September 7, 2020
