Zabbar St Patrick kisbu l-passaġġ għar-round tas-16 tal-Meridianbet FA Trophy meta ftit li xejn tħabtu biex għalbu lit-tim miċ-Challenge League Lija Athletic bl-iskor kbir ta’ 5-0.
Zabbar fetħu l-iskor wara kwarta logħob meta David Oliveira kien fil-post it-tajjeb fil-mument opportun u permezz ta’ daqqa ta’ ras preċiża għeleb lill-goalkeeper ta’ Lija, Luke Bonnici. F
Fit-52 minuta Zabbar rduppjaw l-iskor meta wara li rċieva minn azzjoni ta’ corner reġa’ kien David Oliveira li permezz ta’ daqqa ta’ ras oħra għeleb għal darb’oħra lil Bonnici, biex b’hekk irreġistra doppjetta personali.
Ħames minuti wara, Zabbar resqu qrib li jagħmluhom tlieta meta xutt ta’ Brian Gambarte ġie salvat parzjalment minn Bonnici sabiex mir-rebound, Oliveira tefa’ barra.
Fit-58 minuta, xutt ta’ Jake Micallef għal Zabbar ġie salvat bi bravura minn Bonnici.
Zabbar skorjaw it-tielet goal fil-65 minuta meta s-sostitut Diogo Joao Tavares venven xutt mill-isbaħ li ma ta l-ebda ċans lil Bonnici.
U jidher li huma ma kinux biżżejjed b’dan l-iskor hekk kif fit-73 minuta għamluhom erbgħa permezz ta’ sostitut ieħor, Marcelo Santos Barros.
Fit-88 minuta, iż-Żabbarin issiġillaw ir-rebħa permezz tal-ħames goal meta David Oliveira b’daqqa ta’ ras oħra għeleb lil Luke Bonnici, biex b’hekk irreġistra hat-trick personali.
Referee: Joseph Scerri
