Bejn il-Ġimgħa, 16, u l-Ħadd, 19, is-sewwieq Malti tal-Karting Kimi Bugeja kien f’Pista Cogiskart di Corridonia fl-Italja biex jikkompeti f’kompetizzjoni tal-karting parti mill-Kampjonat Nazzjonali Taljan tal-Karting.
Bugeja, li għad għandu tmien snin, kkompeta fil-klassi 60cc Mini Kart u kien l-uniku Sewwieq Malti fost 18-il Sewwieq Taljan.
REKLAM
SKROLLJA BIEX TKOMPLI
Minbarra dan, filwaqt li Bugeja għandu tmien snin, sewwieqa oħra għandhom bejn 10 u 13-il sena.
Meta wieħed iqis dan kollu u l-fatt li din kienet l-ewwel tiġrija għal Bugeja f’dan il-livell ta’ karting, Bugeja u t-tim tiegħu kienu kuntenti li spiċċa fis-6 post.
