Persuna ġiet salvata wara li nqabdet fl-inħawi tal-Coral Lagoon fil-Mellieħa.
Il-każ seħħ għall-ħabta tal-11:00 ta’ filgħodu meta l-Pulizija daħlitilha rapport.
Minn informazzjoni li kiseb one.com.mt, jidher li l-persuna nqabdet fil-baħar wara li qabżet tgħum fl-għar magħruf bħala “it-toqba.”
Immedjatament fuq il-post issejjaħ tim mediku mill-isptar Mater Dei flimkien ma ħaddiema tas-salvataġġ mid-Dipartiment tal-Protezzjoni Ċivili u l-Forzi Armati ta’ Malta permezz ta’ dinghies u lanċa tas-salvataġġ.
