Erba’ judokas, ċinturini suwed, qagħdu f’filliera quddiem bord ta’ tliet judoka, kollha b’ċinturin aħmar u abjad, fl-Akkademja Maltija tal-Judo f’Pembroke. Din kienet ser tkun l-aħħar darba li dawn l-erba’ judoka libsu ċ-ċinturin iswed tagħhom. L-erbgħa għaddew mill-eżami għas-6 Dan u irċevew iċ-ċinturin aħmar u abjad tant mixtieq mal-gradwazzjoni tagħhom.
L-erba’ judokas huma Ray Fava, John Zammit, Abdulrahman Latif u Aurelian Cyprian Fleisz.
Ray Fava, sinonimu ma’ Tigne Judo Club, serva bħala Referee Nazzjonali għal ħafna snin u rrappreżenta lil Malta fil-kampjonati Ewropej u Mondjali fil-Kata.
John Zammit, għadu l-uniku raġel li rebaħ midalja tad-deheb għall-Judo fil-Logħob tal-Pajjiżi ż-Żgħar, serva bħala kowċ nazzjonali għan-nisa u ż-żgħażagħ, ikkompeta fil-Kampjonati Ewropej u Mondjali tal-Kata, u huwa Referee Internazzjonali, Judo Internazzjonali għall-Kata, u Direttur tar-Refereeing tal-Federazzjoni.
Abdulrahman Latif serva bħala kowċ nazzjonali u referee u għadu kowċ fil-klabb tal-judo tal-Kamikwai.
Aurelian Ciprian Fleisz, ta’ nazzjonalità Rumena, beda jikkowċja lit-tim nazzjonali f’Jannar u ġab l-aktar suċċess notevoli lill-federazzjoni, b’Katryna Esposito tirbaħ il-Midalja tal-Bronż fil-Logħob tal-Commonwealth f’Birmingham u Isaac Bezzina jirbaħ l-ewwel midalja għal Malta f’avveniment ekwivalenti ghal IJF Grand Prix. Riċentament fil-Lussemburgu, it-tim Malti taħt il-gwida tiegħu rebaħ ħames midalji, tnejn minnhom deheb, fil-Kampjonati Ewropej tan-Nazzjonijiet Żgħar. Is-6 Dan tiegħu ġej mill-IJF, iżda l-Federazzjoni ħasset li għandu jirċievi ċ-ċinturin aħmar u abjad mal-Judoka Malti.
Il-panel kien kompost minn Joe Caruana, Missier il-Judo Malti 7th Dan, Envic Galea, President 8th Dan (IJF) u Alex Bezzina, Direttur Sportiv, 7th Dan.
