Semmi Tenishia u għandek effett doppju; mużika tajba u eluf ta’ persuni. Hekk reġa’ ġara fl-aħħar jiem meta eluf inġabru fil-belt ta’ Nanning, iċ-Ċina, għar-ritmu tal-mużika li llum hija sinonima ma’ din il-marka mużikali Maltija.
Dak ta’ Nanning, magħruf bħala l-Panda Music Festival, mhux l-uniku avveniment għal Tenishia. “Jien kont il-headliner u l-unika Dj internazzjonali tal-avveniment li kien jismu Panda Music Festival. Ħafna żgħażagħ qed isegwu il Tenishia fiċ-Ċina u qed ikun hemm ħafna nies kull fejn qed immur,” qalilna d-DJ ta’ Tenishia Joven Grech. Fissrilna kif il-kunċert ma kienx biżżejjed b’eluf joħonqu afterparty li sar.
“Ilna nibnu fuq il-kontinent ta l-Asja speċjalment fiċ-Ċina u qed naraw il-frott ta’ dan kollu. Ftit ta’ snin ilu ma kienx il-pajjiż ideali li ddoqq imma dejjem ħassejt li kien hemm potenzjal kbir u infatti issa, fi ftit snin, vera kibret ix-xena u aħna kbirna magħha. Għenu ħafna wkoll il-guest spots fuq MTV Asia,” kompla jkun spjegat lilna. Minn hawn hemm avvenimenti kbar oħra għal Tenischia, fosthom f’Shangai għal festival tad-DJ Mag Top 100 Djs Festival. Hemm se kun hemm DJs internazzjonali oħrajn fosthom Dimitri Vegas u Like Mike li huma l-ewwel fid-dinja bħalissa.
