Fi ftit iktar minn erbgħa u għoxrin siegħa minn meta kien ippubblikat, kienu eluf il-persuni li kisbu kopja tal-ktieb; “Joseph, L-Aqwa Żmien ta’ Pajjiżna Għadu Ġej.”
F’Għawdex, is-Sibt filgħaxija, u f’Ħaż-Żabbar qabel il-mass meeting kienu mijiet dawk li raw li jkunu minn tal-ewwel li f’idejhom ikollhom dan il-ktieb li qed ikun deskritt bħala l-ewwel wieħed tax-xorta tiegħu.
Dan għax fih, Prim Ministru fil-kariga, jitkellem dwar l-aqwa u l-iktar mumenti diffiċli fit-tmexxija. Rakkont personali li żgur m’għandux jintilef.
Joe Borg, mis-Sensiela Kotba Soċjalisti, li huma l-pubblikaturi tal-ktieb, qal li deher sa mill-ewwel mumenti li l-pubblikazzjoni kienet se tkun suċċess.
