Bejn is-sena 2014 u s-sena 2016, kien hemm 14-il skola li fosthom hemm skejjel ġodda li nbnew kompletament mill-ġdid u kif ukoll skejjel oħra li sar xogħol ta’ bini fihom.
Dan ħareġ minn mistoqsija Parlamentari li saret lill-Ministru għall-Edukazzjoni Evarist Bartolo mid-deputat Nazzjonalista Edwin Vassallo. Vassallo staqsa xi skejjel ġodda nbnew u kif ukoll xi skejjel oħra sarilhom xogħol ta’ bini fihom. Fejn għal kull skola hu talab in-nefqa għal kull proġett.
L-iskejjel imsemmija huma dawn li ġejjin:
Fl-2014 sar tisbieħ estensiv tal-iskola eżistenti, ‘Middle School’ fil-Kulleġġ Santa Margerita f’Bormla. Kif ukoll bini ta’ ‘lecture block’ ġdid biex l-iskola ġiet konvertita f’’Middle School’ għal 500 student u studenta. San il-proġett kien jinvolvi ukoll il-bini ta’ faċilitajiet sportivi ġodda. Il-proġett sewa €1.7 miljun.
Il-‘Middle School’ fil-Kulleġġ Santa tereża f’Birkirkara sarilha tisbieħ estensiv tal-iskola eżistenti fis-sena 2014. Kif ukoll bini ta’ ‘lecture block’ ġdid biex l-iskola ġiet konvertita f’’Middle school’ għal 500 student u studenta. Dan il-proġett kien jinvolvi wkoll il-bini ta’ faċilitajiet sportivi ġodda. Il-proġett sewa €1.4 miljun.
Fis-sena 2014 inbena Ċentru għall-Ħarsien tat-Tfal fil-lokalità tal-Gżira b’investiment ta’ €35,000.
Bejn is-sena 2014 u s-sena 2015 inbniet l-Iskola Nazzjonali tal-Isports f’Pembroke, skola li saret kompletament ġdida, li tispeċċjalizza fit-tagħlim ta’ diversi dixxiplini sportivi, apparti l-istudji akkademiċi. Din l-iskola sekondarja tinkludi l-faċilitajiet edukattivi li nsibu fi kwalunkwe’ skola sekondarja oħra, iżda ukoll diversi faċilitajiet sportivi ‘state of the art’, fosthom: sala kbira għall-isports tal-ġinnastika, ‘squash court’, trekk għall-atletika, u sala kbira ‘multi-purpose’. Dan kollu sar b’investiment ta’ €3 miljuni.
Il-‘Middle School’ fil-Kulleġġ San Nikola, fir-Rabat saritilha tisbieħ estensiv tal-iskola eżistenti. Dan kollu bejn is-sena 2014 u s-sena 2016. Apparti minn hekk sarilha kif ukoll bini ta’ ‘lecture block’ ġdid biex l-iskola ġiet konvertita f’’Middle School’ għal 500 student u studenta. Dan il-proġett kien jinvolvi wkoll il-bini ta’ faċilitajiet sportivi ġodda. Il-proġett sewa €2.5 miljuni.
Il-‘Middle School’ fil-Kulleġġ Maria Regina, fin-Naxxar sarilha tisbieħ estensiv bejn l-2014 u l-2015. Kif ukoll bini ta’ ‘lecture block’ ġdid biex l-iskola ġiet konvertita f’’Middle School’. Dan il-proġett kien jinvolvi wkoll f’bini ta’ faċilitajiet sportivi ġodda. Il-proġett sewa €2 miljuni.
Fl-iskola Primarja fil-Kulleġġ Santa Klara f’San Ġwann inbniela blokka maġenb l-iskola Primarja ta’ San Ġwann u li fiha ġiet rilokata il-‘kindergarten’. Dan sar b’investiment ta’ €1.1 miljun.
F’Sir M. A. Refalo Sixth Form, f’Victoria, Għawdex inbena ‘lecture block’ sħiħ, maġenb l-iskola eżistenti bejn is-sena 2015 u s-sena 2016. Dan il-‘lecture block’ jikkonsisti f’seba’ klassijiet, żewġ laboratorji tal-Bioloġija, żewġ laboratorji tal-Fiżika, laboratorju tal-Kimika, erba’ laboratorji tat-teknoloġija tai-informatika, kif ukoll sala. Dan il-progett sar b’investiment ta’ €1.4
Bejn l-2015 u l-2016 inbniet il-‘Middle School’ fil-Kulleġġ San Benedittu f’Ħal Kirkop fuq tliet sulari għal madwar 500 student u studenta. Dan il-proġett sar b’investiment ta’ €8 miljuni.
Bejn l-2015 u l-2016 inbniet ukoll is-‘Senior School’ fil-Kulleġġ San Nikola, f’Ħad-Dingli. Bini ta’ skola ġdida fuq tleit sulari għal madwar 500 student u studenta. Il-proġett jinkludi klassijiet, laboratorji għal suġġetti varji ta’ xjenza u ICT, librerija, faċilitajiet għall-għalliema, sala kbira b’veduti panoramiċi ta’ Ħad-Dingli, faċilitajlet sportivi u parkeġġ taħt l-art għal madwar 80 karozza. FTS kienet responsabbli wkoll għat-twessiegħ u l-bini mill-ġdid tat-toroq fuq barra tal-iskola. Dan il-proġett sar b’investiment ta’ €8 miljuni.
L-iskola Primarja fil-Kulleġġ San Injazju, f’Ħaż-Żebbug, dik li sa flit tas-snin ilu kienet Skola Sekondarja tas-Subien, kienet rinovata biex isservi bħala Skola Primarja ġdida għal 500 student u studenta. Dan kollu fis-sena 2016. Dan il-proġett kien jinkludu klassijiet ġodda, kmamar speċjalizzati ġodda, klinika, sala ġdida, faċiltajlet sportivi intemi ġodda, faċilitajiet sanitarji ġodda, rinovar tal-bitħa b’art tal-lastiku, klassijiet ġodda tal-‘kindergarten; ‘interactive white boards’ u apparat ġdid tal-IT. Inbidlet ukoll is-sistema tad-drenaġġ. Ġie installat lift biex din l-iskola tkun kompletament aċċessibbli għall-persuni b’diżabilità. Dan il-proġett sar b’investiment ta’ €800,000.
Fl-21016 iċ-ċentru ta’ Dun Manwel Attard Young Adult Resource Centre, fiI-Wardija inbnielu sular ieħor fug dak eżistenti, kif ukoll kien hemm il-bini ta’ blokka kompletament ġdida. L-iskola, li sa Ġunju tal-2016 kienet tilqa’ madwar 40 student u studenta, tal-etajiet bejn is-16 u t-22, b’diżabilitajiet intellettwali bħall-awtiżmu, issa qed tilqa’ fiha aktar mid-dopju bhala ammont ta’ studenti. Dan il-proġett sar b’investiment ta’ €2.14 miljuni.
Il-bini ta’ Grawnd tal-Futboll f’Sta. Venera tlesta minn din I-amministrazzjoni fl-2016 wara Ii kien beda taħt l-amministrazzjoni preċedenti u qatt ma tlesta. Il-proġett kien jinvolvi f’bini ta’ grawnd tal-futboll, bi stend għall-ispettaturi fuq is-sit ta’ dik Ii kienet l-iskola Marija Assunta. Il-grawnd kien miksi b’terf artifiċjali u li hu ċertifikat għal-logħob tal-futboll mill-FIFA (FIFA 1 Star RECOMMENDED) u għal-logħob tar-‘rugby’ (IRB Class 1). Fil-grawn ġiet installata wkoll sistema ta’ dwal apposta. Taħt l-istend tai-ispettaturi hemm għadd ta’ changing rooms u faċiiitajiet sanitarji. L-ispiża ta’ dan il-proġett kienet ta’ €2 miljuni.
Bejn is-sena 2016 u l-2017 sar bini ta’ sular fuq l-Iskola Primarja fil-Kulleġġ Maria Reġina, f’Ħal Gharghur. Dan is-sular ġdid jinkludi 8 klassijiet ġodda, kif ukoll faċilitajiet sanitarji. Dan il-proġett inkluda wkoll il-bini ta’ xaft ġdid biex ikun installat fih lift u b’hekk l-iskola ssir aċċessibbli għal persuni b’diżabilità. lx-xoghol huwa mistenni Ii jitlesta fil-ġimghat li ġejjin. Dan il-proġett qed isir b’investiment ta’ €800,000.
