L-aħħar jum tal-Kampjonati tal-Voomquest Enemed V2 Powerboat 2022 rat it-timijiet igawdu mill-aħjar kundizzjonijiet tat-temp fi tmiem il-ġimgħa, li jfisser li setgħu jgħamlu 10 dawriet tal-korsa.
El Diablo, misjuq minn Clive Butler u Sammy Grima reġgħu kienu fl-aqwa forma tagħhom biex imexxu t-triq biex temmew hat trick ta’ rebħiet f’Cervia, l-Italja.
Id-dħul wild card ta’ Aaron Ciantar, Chaudron, reġgħa spiċċa fit-tieni post. Filwaqt li l-ko-sewwieq ta’ Aaron Ciantar, Ryan Micallef, li sofra injury ħafifa nhar il-Ġimgħa, seta’ jtemm it-taħriġ filgħodu, kien is-sostitut ko-sewwieq Jurgen Camilleri li ħa postu ħdejn Ciantar wara nofsinhar.
B’mod konsistenti, Michael Xuereb u Sam Howes ta’ Interceptor Remax spiċċaw fit-tielet post. Interceptor Remax wrew tattika tajba matul tmiem il-ġimgħa u żamm wara Chaudron. Hu żamm distakk sigur bejnu u bejn Jesmond Aquilina u Christian Galea ta’ Marine Diffusion. Dan ippermetta lit-tim Interceptor Remax biex jitilaw fuq il-podju kuljum kif ukoll jikseb punti siewja li ppermettewhom jieħdu t-tieni post fil-klassifika ġenerali.
Kollox ma’ kollox, id-dgħajjes ipproduċew wirja tajba fejn waslu sal-limitu possibli mingħajr ma sofrew ħsarat. Dan ppermettelwhom li ma jkunx hemm waqfien matul il-kompetizzjoni.
Hekk kif ikkonkludiet l-aħħar ġurnata tat-tielet Grand Prix għall-2022, il-klassifikazzjoni ġenerali wriet li El Diablo huwa t-tim li wieħed għandu jegħleb din is-sena hekk qedin fuq quddiem b’60 punt ieħor miżjuda mal-punt totali tagħhom. L-organizzaturi ta’ Voomquest ħabbru wkoll li Team Freccia Blu, li sat-tieni Grand Prix kienu fit-tieni post tal-klassifika ġenerali, irtiraw mill-Kampjonati tad-Dinja V2.
Ir-raba’ u l-aħħar Grand Prix tal-Kampjonati tad-Dinja tal-2022 se jsir fi tmiem il-ġimgħa tal-14 ta’ Ottubru u se jsir f’Como, Milan.
