L-attakant internazzjonali Malti Alfred Effiong qed jiġbed l-interess ta’ numru ta’ timijiet kemm mill-Kampjonat Premier u anke mill-Ewwel Diviżjoni iżda b’kull probabilità Effiong jibqa’ jilgħab fl-ogħla diviżjoni tal-futbol Malti.
Il-kuntratt li kellu ma’ Balzan F.C. ġie fit-tmiemu mat-tmiem l-istaġun li għadda u għalhekk huwa liberu li jiddiskuti ma’ klabbs oħra.
Fost it-timijiet interessanti fl-attakant ta’ 35 sena hemm Sirens FC, Tarxien Rainbows FC u anke Marsa FC bil-plejer ser ikun qed jiddeċiedi l-futur tiegħu fil-jiem li ġejjin.
