Wara li, fl-aħħar ħarġa tal-gazzetta Nazzjonalista Il-Mument, id-Deputat Carm Mifsud Bonnici attakka l-azzjonijiet estremisti li rajna fil-Parlament fl-aħħar jiem, immexxija mill-kap de facto Karol Aquilina, kien imiss lill-eks Segretarju Parlamentari Edwin Vassallo li jkompli fejn ħalla Mifsud Bonnici.
Fuq Facebook, fejn Mifsud Bonnici xerred l-artiklu tiegħu ta’ Il-Mument, Vassallo kkummenta kif “il-magna tal-mibegħda hija b’saħħitha wisq”.
Għalkemm Vassallo ma semmiex lill-PN direttament, hu ċar li diskorsu kien botta għall-fazzjoni estremista magħrufa bħala l-establishment Nazzjonalista, kif kien qed jirreferi l-istess Carm Mifsud Bonnici, li hu magħruf kif m’għandu mill-ebda fazzjoni li baqgħu jkissru fil-Partit tal-Maduma.
Ma’ dan, fuq il-paġna tiegħu wkoll kiteb kif “il-mibegħda hija l-akbar falliment fil-ħajja u fil-politika”.
Fl-istess ħarġa ta’ Il-Mument tal-Ħadd li għadda, fejn kiteb Carm Mifsud Bonnici, il-fazzjoni estremista saħansitra imponiet karikatura tal-Prim Ministru Robert Abela u tliet Ministri tal-Kabinett lebsin ta’ ħabsin f’ċella fuq l-ewwel faċċata tagħha.
Il-karikatura ssegwi d-dikjarazzjoni isterika tal-eks Kap Nazzjonalista Simon Busuttil li, waqt attività tal-grupp estremista Repubblika, sejjaħ lill-Partit Laburista bħala “organizzazzjoni kriminali”.
“Il-Partit Laburista llum sar refuġju għall-politiċi kriminali.”
Simon Busuttil, Eks Kap tal-PN
Issegwi wkoll aktar riċenti d-dikjarazzjoni isterika u estremista fl-ogħla istituzzjoni Parlamentari minn Karol Aquilina fejn qal, fost l-oħrajn, li l-Gvern Laburista qed iwettaq ir-riforma fl-inkjesti maġisterjali biex ikun jista’ joqtol lil min irid.
