“Eċitata li ninsab Malta wara li smajt ħafna dwarha” – Delta Goodrem

Il-kantanta ta’ fama mondjali, Delta Goodrem, tinsab Malta għall-kunċert tal-Isle of MTV li se jkun qed jittella’ llejla fuq il-Fosos tal-Furjana.

Waqt konferenza tal-aħbarijiet fil-preżenza ta’ bosta membri mill-midja kemm lokali u internazzjonali, Delta Goodrem spjegat kif tinsab eċitata li tinsab Malta hekk kif fl-aħħar tista’ tgħid li żaritha wara tant snin tisma’ dwarha.

Spjegat kif illejla se tkun qed tagħti prestazzjoni mill-aqwa ta’ kanzunetti kemm antiki imma anke ġodda, li qatt ma kantat qabel fuq il-palk fosthom kanzunetta bl-isem ta’ Back to Your Heart.