Il-Gvern se jipprovdi servizzi veterinarji b’xejn lill-għaqdiet volontarji li huma attivi f’dan il-qasam tal-annimali. B’hekk qed titwettaq wegħda elettorali oħra, li ghaliha ġew allokati €80,000.
Waqt it-tnedija tal-miżura, is-Segretarju Parlamentari Għall-Annimali Clint Camilleri qal li li l-ħdax il-għaqda tal-annimali se jingħataw €40 għal kull kelb jew qattus, u €160 għal kull żiemel li qed jieħdu ħsieb. Dan flimkien mas-servizz tal-Isptar tal-anniamli f’Ta’ Qali għal operazzjonijiet aktar kumplessi.
“L-għan ta’ din il-miżura huwa li nkomplu ngħinu lis-santwarji tal-annimali li għandna, propju għandna ħdax-il ngo u ser inkunu qed nagħtu grants li jikaverjaw l-ispejjeż veterinarji fejn jidħlu klieb, qtates u anka żwiemel li hemm ġewwa s-santwarji tagħna pero apparti minn hekk qegħdin noffru wkoll li l-Gvern iħallas servizz fejn jidħlu operazzjonijiet li jiswew aktar minn hekk anka permezz tal-għajnuna tal-APH hospital”.
ONE NEWS tkellem ukoll ma’ Nevise Borg Caligari, il-kap eżekuttiv tal-kunsill għall-ħarsien tal-annimali li esprimiet is-sodisfazzjon tagħha għal din il-miżura li ħa se ttaffi parti sostanzjali mill-piz finanzjajru li għandhom. Qalet li “din il-miżura se tagħmel differenza kbira għall-NGOs. Aħna nħossu l-bżonnijiet li jkollhom regolari. Jiena dejjem ngħid li immaġina inti jkollok pet id-dar li jkollu l-bżonnijiet, aħseb u ara dawn is-santwarji li jkollhom mijiet t’annimali. Issa għandna wkoll l-iskema fejn aħna nagħtu wkoll fondi mill-animal welfare fund għall-proġetti li jkollhom, allura qed ngħinu fuq żewġ miżuri”.
Il-Perit Camilleri sostna li l-għajnuna tkompli turi kif il-ħarsien tal-annimali huwa importanti għal dan il-Gvern.
