FL-ewwel partita tal-Ħadd fit-Tony Bezzina Stadium Marsaxlokk u Hibernians ħadu punt kull wiehed fid-draw ta’ 1-1.
L-ewwel azzjoni tal-logħba waslet fl-20 minuta minn Hibernians meta freekick ta’ Giannis Bastianos, li ntemm għand Lucas Caruana bid-daqqa ta’ ras tiegħu tintemm barra.
Marsaxlokk wieġbu erba minuti bid-daqqa ta’ ras ta’ Wender Da Silva Soarez tmur barra.
Hibernians mill-ġdid perikolużi fil-25 minuta meta din d-darba kien Jurgen Degabriele li kellhu xutt minn barra l-kaxxa li ntemm għoli mil-lasti difizi minn Marko Drobonjak.
Hekk kif kollox deher li l-ewwel taqsima kienet ser tintem f’parita ta’ mingħajr gowls, Marsaxlokk marru fil-vantagg fl-aħħar mumenti meta wara ħarba tajba Yuri Messias b’xutt fil-baxx għeleb lill-goalkeeper Jonathan Debono għal 1 – 0.
Mal-ftuħ tat-tieni taqsima’ kienu Hiberanians li ħargu fuq l-attakk u fis-47 minuta kien Kurt Shaw li xxutja, bil-goalkeeper Xlukkajr Marko Drobonjak isalva f’żewġ tentattivi.
Hibernians għamlu l-iskor indaqs mas-siegħa logħob meta kien Zachary Grech li provda kross tajjeb u Rodney Antwi li ma zbaljax u għamel l-iskor 1-1 għal Pawlisti.
Kwarta mit-tmiem u Hibernians spiċċaw b’plejer anqas meta Ferdinando Apap kien muri t-tieni karta safra biex ħalla lill-sħabu jissiltu b’plejer anqas fl-aħħar kwarta tal-partita.
Żewġ minuti wara u Marsaxlokk kienu sfortunati li ma reġgħux marru fil-vantaġġ meta xutt b’saħħtu ta’ Ryan Scicluna stampa mal-wieqfa.
Referee : Malcolm Spiteri
BOV Plejer tal-lobgħa:- Yuri Messias (Marsaxlokk)
