Fl-ewwel partita tal-Ġimgħa fit-Tony Bezzina Stadium intlagħab d-derby l-antik bejn Floriana u Sliema Wanderers liema dwell intemm fid-draw liema draw ma’ ssodisfa lill-ħadd għajr lill-leaders Birkirkara.
Appena għaddew erbgħa minuti mil-bidu tal-partita kienu Sliema Wanderers permezz ta’ Myles Beeman li prova cross-shot li kien salvat tajjeb minn mill-goalkeeper ta’ Floriana Christoffer Mafoumbi.
Minuta wara u reġgħu Sliema Wanderers, meta wara nuqqas ta’ Dunstan Vella fil-kaxxa kien Mohamed Awad li ra ċ-ċans mill-ewwel tiegħu jispiċċa barra.
Fl-14 il-minuta waslet l-ewwel azzjoni ta’ Floriana meta wara nuqqas bejn Steve Pisani u Simon Zibo kien Dunstan Vella li approfitta’ u għadda lejn Thiago Dos Santos li tefa’ kross fil-baxx fil-kaxxa li deher jitla’ m’idejn Kemar Reid, bir-referi Glen Tonna jkun pront u jsaffar ”hands ball” minkejja li l-ballun spiċċa fix-xibka.
Fil-25 minuta reġgħu l-Blues meta wara azzjoni ta’ throw in kien Vito Plut li prova jaħsad lill- Mafoumbi, bil-ballun jispiċċa barra.
Minuta wara u komplew Sliema permezz ta’ kross ta’ Cain Attard li kien mdawwar f’corner mid-difiża. Mil-corner ta’ Steve Pisani kien Jean Borg li naqas milli jolqot tajjeb u Floriana ħelsuha ħafif.
Nofs siegħa logħob u kien Cain Attard li għadda ballun lejn Mohammed Awad li kellu x-xutt tiegħu jispiċċa barra.
Fis-37 minuta Sliema Wanderers resqu viċin meta l-freekick dirett minn barra l-kaxxa ta’ Steve Pisani spiċċa mal-lasta l-wieqfa.
Fl-aħħar azzjoni tal-ewwel taqsima waslet fit-42 minuta meta kienu Floriana hekk kif Franklin Sasere li tefa’ ballun l-quddiem lejn Thiago Dos Santos li kellu l-kross fil-kaxxa tiegħu jkun mtajjar f’corner minn Jean Borg.
Żewġ minuti mil-ftuħ t-tieni taqsima u Sliema komplew fejn ħallew fl-ewwel waħda meta kien Mohammed Awad li pprovda l-kross u d-daqqa ta’ ras ta’ Wescley Matos għaddiet għoli.
Fit-62 minuta mill-ġdid Sliema meta kross ta’ Cain Attard wasal għand Vito Plut li niżżel l-ballun u pront kien Wescley li xxutja mill-ewwel minn tarf l-kaxxa li għadda ftit barra.
Tmien minuti wara wieġbu Floriana meta kien Dunstan Vella li biddel ballun ma’ Fernando Augusto li xxutja barra.
Fit-78 minuta kien hemm protesti minn naħa ta’ Floriana meta Kemar Reid waqa’ fil-kaxxa wara possibbilment kuntatt ma’ plejer oppost, bir-referi tal-partita ħalla l-logħob għaddej.
Tlett minuti mit-tmiem u kien s-sostitut Adam Magri Overend li tefa’ kross fil-kaxxa, b’ Vito Plut jonqos milli jolqot u Thiago Dos Santos dawwar f’corner.
Minn hawn l-quddiem z-żewġ timijiet għarfu jagħlqu l-spazji biex bl-iskor ta’ 0-0 temmet din l-partita.
Referee: – Glen Tonna
Plejer tal-logħba: – Wescley Matos Da Silva (Sliema W.)
