F’konfront ferm bilanċjat u akkanit, Zebbug R. u Marsaxlokk temmew il-konfront ta’ bejniethom fi draw ġust ta’ 1-1.
Marsaxlokk għamlu l-intenzjonijiet tagħhom ċari mal-ftuħ tal-partita u fetħu l-iskor wara biss żewġ minuti permezz ta’ daqqa ta’ ras mill-viċin tal-captain Peter Xuereb li ma tat l-ebda cans lill-goalkeeper ta’ Zebbug, Jamie Azzopardi.
Mal-ftuħ tat-tieni taqsima Żebbuġ huma ħarġu ferm aggressivi u fis-47 minuta rebħu penalty meta Stefan Jankovic twaqqa’ fil-kaxxa mill-awtur tal-uniku goal għal Marsaxlokk, Peter Xuereb. Mill-11-il metru nkariga ruħu Charles Lokoli Nhoy li bi preċiżjoni tefa’ l-ballun fir-rokna tax-xibka.
Fl-74 minuta, cross-shot minn tarf il-kaxxa ta’ Leandro Aguirre għal Marsaxlokk għadda ftit barra.
Il-partita kompliet ikkaraterizzata minn ħafna logħob f’nofs il-ground dan sal-ħin miżjud meta Marsaxlokk spiċċaw jilagħbu bi player inqas wara li tkeċċa għlihom il-player Christopher Edafe Uzeh permezz ta’ karta ħamra diretta.
