Il-personalità Dorian Cassar se jkun qed jingħaqad mal-istazzjonijiet ONE mill-iskedi l-ġodda ta’ Ottubru.
Dorian vuċi sinonima mar-radju f’pajjiżna tant li beda l-karriera tiegħu lura fl-1997. Sitta u għoxrin sena ilu, Dorian kien beda ma’ Radju Kottoner, stazzjon tal-komunità u minn hemm, Dorian mexa għal ma’ Bay Radio u aktar riċenti ma’ Magic Malta.
Fix-xena televiżiva, Dorian kien ippreżenta l-programm ta’ diskussjoni ‘Crossroads’ fuq Fliving u Fresh&Funky fuq ONE u riċentament il-programm @Magic fuq TVM
”Naturalment hija esperjenza li qed inħares ‘il quddiem għaliha. Meta għal darb’oħra f’dawn l-aħħar jiem dħalt fil-kumpless ONE, erġajt ġeddidt ħafna memorji sbieħ, speċjalment meta rajt kif inbidlu l-istudjos għaliex ftakart fiż-żmien tar-recording ta’ Fresh & Funky u żmien it-tim Qawsalla. Iżda rajt il-kambjament fl-istazzjon, fl-istudjos, fl-apparat u fil-ħaddiema”
DORIAN CASSAR
Dorian ilu mill-iskeda ta’ Ottubru 2022 nieqes mix-xandir u filwaqt li jammetti li din il-pawsa kellu bżonnha, jistqarr li issa jinsab lest u preparat biex ikun parti mill-iskeda kemm tar-radju u anke televiżjoni tal-istazzjonijiet ONE.
