Wara żewġ telfiet konsekuttivi kontra Valletta u Mosta, rebħa kienet imperattiva għal Marsaxlokk u din waslet kontra Birkirkara, bl-Ixlukkajri joħorġu rebbieħa bl-iskor ta’ 2-0, biż-żewġ goals għalihom jaslu minn doppjetta personali tal-BOV Player tal-Logħba, Yuri De Jesus Messias.
Kienet partita kemmxejn nervuża bir-referee Matthew De Gabriele jagħti 11-il karta safra, waħda minnhom doppja … sitta għal Birkirkara u erbgħa għal Marsaxlokk, u żewġ karti ħomor … it-tnjen għall-Istripes lejn tmiem il-partita.
Kienu Birkirkara li ħolqu l-ewwel periklu fil-21 minuta permezz ta’ freekick insdjuż i ta’ Daniele Mariani li ġie salvat f’corner b’diffikultá mill-goalkeeper ta’ Marasaxlokk, Marko Drobnjak.
Iżda kienu Marsaxlokk li fetħu l-iskor fis-36 minuta meta YURI DE JESUS MESSIAS dar tajjeb ma’ difensur avversarju qabel venven xutt minn tarf il-kaxxa, li ma ta l-ebda ċans lill-goalkeeper Pollakk tal-Istripes, Marcel Zapytowsky.
Fil-ftuħ tat-tieni taqsima, Birkirkara ħarġu ferm aggressivi u fid-49 minuta, wara li rċieva minn frekickj insidjuż, Simon Zibo kellu d-daqqa ta’ ras tiegħu tiġi salvata mingħajr wisq diffikultá minn Drobnjak.
Huma komplew fuq l-offensiva u erba’ minuti wara Paul Mbong kellux xutt kemmxejn fraġli minn tarf il-kaxxa li ġie salvat minn mal-art minn Drobnjak.
Marsxalokk wieġbu fil-81 minuta permezz ta’ freekick ta’ Leandro Aguirre li għadda ftit għoli.
Birkirkara qalgħu daqqa ta’ ħarta fl-84 minuta meta spiċċaw jilagħbu b’10 players meta tkeċċa għalihom il-captain Enrico Pepe wera li rċieva żewġ karti sofor fil-partita.
Birkirkara tefgħu kollox fuq l-attakk, bil-goalkeeper Zapytowski saħansitra joħroġ barra minn postu biex jgħin lil sħabu fl-attakk. Iżda huma nqabdu fuq sieq waħada u fil-ħin miżjud, Ayo Armah Vaikanah, kellu xutt indirizzat lejn il-lasti avversarji salvat b’idu minn Ali Diakite, li kawża t’hekk intwera karta ħamra diretta mir-referee Matthew De Gabriele, waqt li ordna wkoll penalty.
Mill-11-il metru, inkariga ruħu l-ispeċjalista YURI DE JESUS MESSIAS, li ma żbaljax, biex b’hekk irreġistra doppjetta perosnali.
Referee: Matthew De Gabriele
BOV Plejer tal-Logħba: Yuri De Jesus Messias (Marsaxlokk)
