Fl-aħħar konfront tal-Ħadd fic-Centenary Stadium, Naxxar Lions kisbu rebħa ta 2-1 għas spejjes ta’ Balzan biex b’hekk ir-reġistraw it-tieni rebħa staġjonali.
Naxxar bdew mil-ewwel fuq l-attakk u wara biss żewġ minuti Pablo Augusto De Carvalho irċieva ballun, avvanza, u prova xutt li kien newtralizzat mil-goalkeeper ta’ Balzan.
Balzan wieġbu fis-seba’ minuta meta kien Jake Grech li prova xutt fil-baxx li kien salvat minn Matthias Debono.
Balzan għal ftit ma’ fetħux l-iskor ma’ kważi għoxrin minuta meta Jake Grech għadda ballun lejn Leonardo Da Silva li prova xutt minn tarf l-kaxxa li spiċċa mal-minduda.
Minkejja dan kollhu kienu Naxxar li fetħu l-iskor fil-35 minuta, fejn wara azzjoni ta’ kross l-ballun spiċċa għand William Moreria Da Silva li b’daqqa ta’ ras għeleb lill-goalkeeper Golovic.
Tlett minuti minn tmien l-ewwel taqsima u reġgħu Naxxar meta kien Moreria Da Silva x-xuttja żda l-ballun għadda ftit barra.
Balzan għamlu l-iskor indaqs fl-aħħar azzjoni ta’ l-ewwel taqsima meta Jake Grech għadda ballun tajjeb lejn Leonardo Da Silva, b’dan ta’ l-aħħar ra l-konkluzzjoni mil-viċin tiegħu tispiċċa wara Matthias Debono għal 1 – 1.
Żewġ minuti mil-ftuħ tat-tieni taqsima u kien Paul Fenech għal Balzan li ra x-xutt tiegħu jgħaddi ftit għoli.
Fil-58 minuta wieġbu Naxxar meta kien William Moreria Da Silva b’xutt angolat li kien salvat minn Danilo Golovic.
Balzan tilfu ċans tad-deheb li jmorru fil-vantaġġ ma’ siegħa logħob meta William Moreria Da Silva twaqqa fil-kaxxa minn Neil Pace Cocks bir-referi jordna penalty. Inkariga mill-penalty l-istess Moreira Da Silva li ra x-xutt tiegħu jkun salvat mill-goalkeeper Debono.
Ħames minuti wara u Naxxar mill-ġdid fil-vantaġġ meta kien Pablo Augusto Servo li xeħet kross mill-isbah lejn William Moreria Da Silva li daħal b’saħtu u bla ebda problemi tefa l-ballun fix-xibka biex għamel l-iskor 2-1.
Wara dan il-gowl, Balzan bdew jagħfsu biex jieħdu xi ħaġa minn din il-partita madankollu Naxxar iddefendew tajjeb u rnexxilhom jirbħu t-tlett punti.
Referee: Daniel Portelli
BOV Plejer tal-Logħba: William Moreria Da Silva (Naxxar Lions)
