Is-Sur Alfred Chetcuti f’isem il-Kumitat ta’ ONE Club, ippreżenta donazzjoni sabiħa ta’ €5,000 li tmur b’risq l-ispejjeż tal-istazzjonijiet ONE.
Din id-donazzjoni ġiet ippreżentata lic-Chairperson ta’ ONE Productions Ltd Ruth Micallef waqt il-programm Indigo l-Ġimgħa wara nofsinhar. ONE Club huwa magħmul minn numru ta’ persuni, segwaċi u semmiegħa tal-istazzjonijiet ONE. Permezz ta’ sħubija li titħallas kull sena u attivitajiet li jiġu mtella’ għall-membri minn żmien għal żmien, il-membri jkunu qed jgħinu l-istazzjonijiet favoriti tagħhom.
Id-donazzjoni saret waqt il-programm Indigo li huwa l-programm televiżiv li matulu ta’ kuljum, il-membri li jiċċelebraw għeluq sninhom jiġu msemmija. L-istess isir f’diversi programmi tar-radju matul il-ġurnata u dan bħala rikonoxximent lejn dawk li huma membri.
Jekk tixtieq tissieħeb f’ONE CLUB jew inkella ġġedded is-sħubija tiegħek tista’ ċċempel 21657022 jew 99240855
