In-noti tal-aqwa diski tiegħu instemgħu minn miljuni madwar id-dinja, u minjaf kemm il-darba smajnihom fuq ir-radju.
Issa Dario G nnifsu se jdoqq f’pajjiżna, f’party illejla fil-kumpless Gianpula.
Id-DJ Ryan Spiteri spjega li apparti diski tad-disgħinijiet, din hi l-ewwel darba li fil-party ta’ Rewind se jindaqqu diski ta’ wara s-sena elfejn.
Fost oħrajn id-diska ta’ Dario G – Carnival De Paris intużat fit-Tazza tad-Dinja. U Ring of Fire tintuża mit-tim ta’ Liverpool.
Dawn id-diski se jdoqqhom illejla, flimkien ma’ suċċessi kbar tiegħu bħal Sunchyme, u Dream to Me. Dawn fost għażla ta’ diski li mistennija joffru memorji sbieħ ta’ diski ikoniċi.
Dario G stqarr magħna li jinsab ħerqan għall-party tal-lejla, u żvela xi ftit il-burdata li se jkun hemm.
