Diversi vittmi wara li ġġarrfet binja ta’ parkeġġ ta’ erba’ sulari fi New York City

Minn tal-inqas persuna mietet u ħamsa oħra ndarbu wara li ġġarrfet parti minn binja ta’ parkeġġ ta’ erba’ sulari fi New York City.

Il-każ seħħ meta ġġarraf it-tieni sular mill-istruttura ta’ erba’ sulari li tinsab fid-Distrett Finanzjarju ta’ Manhattan.

Filmati ppubblikati online juru karozzi u tifrik mgħaffġa fuq xulxin fuq konkrit imwaqqa’.

Id-Dipartiment tal-Protezzjoni Ċivili ta’ New York qal li l-operazzjoni ta’ salvataġġ biex instabu n-nies maqbuda, kienet perikoluża ħafna għall-ħaddiema, hekk kif l-istruttura dehret li ma kinitx stabbli, u partijiet minnha baqgħu jiġġarrfu waqt li l-ħaddiema kienu fil-binja jagħmlu t-tfittxijiet għan-nies.