Kif tista’ l-arti performattiva jkollha rwol ċentrali fis-soċjetà tagħna?
Dan kien il-ħsieb wara l-konferenza annwali tad-Dipartiment tal-Arti Performattiva fl-Università ta’ Malta, bil-parteċipazzjoni ta’ numru ta’ artisti minn pajjiżi differenti minn madwar id-dinja, fosthom mill-Afrika.
Din il-ħdax-il edizzjoni tal-konferenza ffokat fuq kif mhux biss l-arti performativa qed tiftaħ il-bibien tal-opportunitajiet biex studenti jiżviluppaw il-potenzjal artistiku tagħhom, imma kif, bħala ċittadini, inkunu nistgħu nużawha fil-ħajja tagħna ta’ kuljum.
Professur Philip Ciantar mill-istess dipartiment spjega lil ONE News li l-arti performattiva tista’ tintuża f’sitwazzjonijiet diversi, fosthom l-isptar, il-ħabs u fil-komunità u hu importanti ferm li wieħed jagħmel użu minnha.
“L-arti performattiva, illum il-ġurnata, il-post tagħha mhuwiex biss fit-teatru jew inkella f’postijiet tad-divertiment, imma wkoll f’postijiet, bħalma ngħidu l-isptarijiet, djar tal-anzjani fil-komunitajiet. U kulħadd għandu dritt li jesperjenza l-arti performattiva u mhux jesperjenzaha biss, imma jipparteċipa fiha.”
Philip Ciantar, Professur
