Dilettanti tal-karnival bla kliem wara t-telfa tal-artist Enzo Abela

Bosta dilettanti jinsabu maħsuda wara l-aħbar li waslitilhom ilbieraħ filgħaxija b’rabta mat-telfa ta’ ħabib tal-qalb tagħhom u artist b’talent kbir, Enzo Abela.

Kienu bosta li fakkru l-memorja ta’ Enzo fejn iddeskrivewh bħala raġel b’qalb tad-deheb, li dejjem lest biex jgħin u li dejjem inissel tbissima fuq fomm min ikun miegħu.

Spjegaw kif filwaqt li kellu t-talent tal-arti, dejjem kien lest li jgħallem u jaqsam dak li jaf ma’ ħaddieħor biex ikattar l-imħabba tal-arti ma’ ħaddieħor.

Uħud irrakkontaw il-memorji li kellhom ma’ Enzo, b’mod partikolari esperjenzi li kellhom miegħu tul il-Karnival.