Depiro rebħu t-tielet unur tal-istaġun tal-Basketball tan-nisa meta l-Ħadd filgħaxija rebħu l-finali tal-Mapfre MSV Life Knock-Out hekk kif għelbu lil Caffè Moak Luxol bl-iksor ta’ 65-58.
Depiro reġgħu rebħu dan l-unur wara assenza ta’ tlettax -il sena.
L-ewwel sessjoni spiċċat bi skor ta’ 19-9 favur Luxol, filwaqt li t-tieni sessjoni rat lil Depiro jirbħu 21-11.
Depiro rebħu wkoll it-tielet sessjoni 20-11 filwaqt li l-aħħar waħda kienet kumbattuta u bilanċjata, b’Luxol jirbħu 17-15.
Fi tmiem il-finali saret il-preżentazzjoni tat-tazza miċ-Chief Officer Corporate Services tal-Mapfre Norman Mifsud flimkien mal-President tal-MBA Paul Sultana lil captain ta’ Depiro Claire Ciantar.
Il-plejer ta’ Depiro Kristy Galea rebħet l-unur tal-MVP tal-finali.
