Dawra mal-‘Pulizija tal-baħar’ f’Santa Marija

F’Jum il-Festa ta’ Santa Marija, bosta Maltin jiddeċiedu li jqattgħu il-jum f’xi waħda mis-seba’ Santa Marijiet. Madankollu, ħafna oħrajn jippreferu li jieħdu din l-opportunità biex joħorġu fuq il-baħar bl-opri tal-baħar tagħhom.

Fil-fatt, dan il-jum hu l-iktar wieħed li jkun hawn traffiku fil-baħar ta’ pajjiżna. Biex jassiguraw li d-dgħajjes jimxu mar-regolamenti, teżisti s-sezzjoni tal-Infurzar u s-Sigurtà Marittima fi ħdan Transport Malta. 

Kellna l-opportunità nqattgħu nofstanhar fuq waħda mid-dgħajjes tal-infurzar, fejn segwejna x-xogħol ta’ dawn il-persuni mill-qrib. 

Patrick Pollacco, senior manager fi ħdan din is-sezzjoni, spejgalna x’jinvolvi l-infurzar fil-baħar.