Żejtun Laċċi telgħu fit-tieni post tal-klassifika tal-kampjonat 8-a-side organizzat mill-Assoċjazzjoni Maltija tad-Darts hekk kif rebħu l-isfida diretta kontra Ħamrun Bayern A 5-3 barra minn darhom.
Kienet logħba ferm movimentata u eċitanti bil-Ħamruniżi li stabilixxew vantaġġ ta’ 2-0 iżda biż-Żwieten li baqgħu jemmnu u wara li ġabu l-iskor indaqs, rebħu l-aħħar tliet games sabiex ħadu tliet punti tant importanti.
Sadanittant, Floriana Ajax Premier Cars baqgħu jżommu l-ewwel post tal-klassifika wara li għelbu lil PO’s Bar 7-1 f’logħba li huma ddominaw mill-bidu sal-aħħar.
Sadanittant, Birżebbuġa Lions komplew inaqqsu d-distakk minn mat-timijiet ta’ fuq wara skor ta’ 5-3 kontra Ħamrun Bayern B.
Finalment, Sliema Lounge A kisbu t-tielet rebħa staġjonali wara li għelbu lil Floriana Ajax MCP 6-2.
Fit-tieni diviżjoni, kompliet il-mixja pożittiva ta’ Birgu Boċċi Club A wara li ddominaw il-konfront kontra Top Gun Marsa 8-0. isegwu hemm Domus Men’s li rebħu d-derby taż-Żejtun kontra Beland 7-1.
Cox Bar Birżebbuġa kisbu t-tielet rebħa tal-istaġun wara riżultat pożittiv ta’ 6-2 kontra Leah’s Bar B filwaqt li Duke’s rebħu bl-istess skor lil Żebbuġ Rangers FC.
Il-leaders tat-tielet diviżjoni Leah’s Bar B kienu bye u għalhekk approfittaw Żejtun Laċċi Maypole li resqu punt biss bogħod minnhom hekk kif rebħu lil Munchies Bar 6-2. Anke Tal-ĠIlju rebħu bl-istess riżultat lil Domus Ladies.
Birgu Boċċi Club B ġew miżmuma minn Sliema Lounge B 4-4 bl-istess skor jiġi reġistrat fil-partita bejn Tal-Balklor Senglea u Nicolo Isouard.
KLASSIFIKA – MDA L-EWWEL DIVIŻJONI
Floriana Ajax Premier Cars A 23, Żejtun Laċċi A 22, Ħamrun Bayern A 20, Birżebbuġa Lions 17, Sliema Lounge A 10, Floriana Ajax MCP 6, PO’s Bar 2, Ħamrun Bayern B 1.
KLASSIFIKA – MDA IT-TIENI DIVIŻJONI
Birgu Boċċi Club A 25, Domus Men’s 22, Duke’s Bar 21, Top Gun 13, Cox Bar 9, Żebbuġ Rangers DT, Beland Żejtun 7 , Leah’s Bar 0
KLASSIFIKA – MDA IT-TIELET DIVIŻJONI
Leah’ Bar B 25, Żejtun Laċċi Maypole 24, Birgu Boċċi Club B 21, Tal-Balklor Senglea 14, Mqabba Tal-Ġilju 10, Munchies Bar 9, Nicolo Isouard 8, Domus Ladies 7, Sliema Lounge B 5.
