Il-plejers żgħażagħ tad-darts Matti u Kyle Satariano ħadu sehem fil-Junior European Open fi SportPark Isernhagen fil-Ġermanja.
Iż-żewġ plejers Maltin ikkompetew flimkien ma’ 44 plejer minn diversi pajjiżi b’Kyle Satariano jkun l-iżgħar plejer tat-turnament fl-eta’ ta’ għaxar snin. Dan tal-aħħar deher ukoll f’intervista fuq il-paġna ta’ Facebook JDC Junior Darts Corporation u saħansitra wasal sat-tieni rawnd ta’ dan it-turnament.
Kemm Matti kif ukoll Kyle Satariano qed jispikkaw f’dawn l-aħħar xhur fid-darts lokali fejn minkejja l-eta’ żagħżugħa tagħhom, qed ilaħħqu ma’ plejers oħra stabbiliti fil-kampjonat nazzjonali. Huma jilagħbu ma’ Sliema Inter Darts Club.
Sadanittant Kyle flimkien ma’ missieru Pete ħadu sehem ukoll f’warm-up tournament ieħor li saru f’Gevelsberg fejn irnexxielhom jaslu sal-kwarti tal-finali u saħansitra eliminaw lir-rebbieħa tal-grupp preċedenti.
