Floriana Ajax X Clean A rebħu l-kampjonat 8-a-side tad-darts wara li għelbu lil Ħamrun Bayern A 7-1.
Kien kampjonat li kellu jiġi deċiż fl-aħħar ġurnata bl-eqreb rivali tagħhom Education Bar San Gejtanu li kienu qed jissieltu għar-rebħ tat-titlu u fejn il-klassifika kienet qed tinbidel minn ġimgħa għal ġimgħa.
Il-Greens kisbu 51 punt minn 21 logħba.
Il-Furjaniżi kellhom l-ideat ċari u stabilixxew vantaġġ komdu sabiex żammew il-vantaġġ u għamlu ċert mit-tliet punti finali.
F’aktar riżultati, Ħamrun Bayern B għelbu lil Fgura Kenky 5-3 filwaqt li Manchester Conquest Pub rebħu lil Sliema Inter Darts Club 6-2.
Sadanittant il-kampjonat tat-tieni diviżjoni ntrebaħ minn Birżebbuġa Lions li saħansitra kisbu dan is-suċċess mingħajr ma tilfu logħba. Huma kisbu 49 punt minn 18-il logħba.
Finalment kienu Birgu Boċċi Darts Club li rebħu l-kampjonat tat-tielet diviżjoni.
Il-Ġirbin kisbu 45 punt minn 18-il logħba sabiex qabżu lir-rivali Żejtun Domus li matul dan l-istaġun kienu qed jissieltu għar-rebħ tal-kampjonat magħhom.
