Floriana Ajax Premier Cars u Żejtun Laċċi A temmew il-konfront ta’ bejniethom fi draw ta’ 4-4 fl-iktar logħba mistennija tal-ġimgħa.
Iż-żewġ timijiet qed jisfidaw għar-rebħ tal-kampjonat u kif mistenni kienet logħba bilanċjata bil-vantaġġ li beda jalterna.
Ħamrun Bayern A ħadu vantaġġ minn dan ir-riżultat sabiex baqgħu fl-ewwel post wara rebħa ta’ 6-2 kontra Sliema Lounge A f’logħba li huma kkontrollaw mill-bidu sal-aħħar.
Birżebbuġa Lions jinsabu biss tliet punti bogħod mil-leaders wara li għelbu lil PO’s Bar 6-2 filwaqt li Ħamrun Bayern B u Floriana Ajax MCP spiċċaw fi draw ta’ 4-4.
Fit-tieni diviżjoni, Birgu Boċċi Club żammew il-konsistenza tagħhom wara rebħa faċli ta’ 7-1 kontra Duke’s filwaqt li Domus Men’s baqgħu fit-tieni post wara li għelbu lil Top Gun Marsa 6-2.
Kien hemm bilanċ assolut fil-logħbiet bejn Cox Bar u Beland Żejtun kif ukoll f’dik bejn Żebbuġ Rangers u Leah’s A bir-riżultat ikun dak ta’ 4-4.
Fit-tielet diviżjoni, Leah’s Bar B u Żejtun Laċċi Maypole kellhom wirjiet pożittivi kontra Nicolo Isouard (7-1) u Domus Ladies (6-2). Dawn iż-żewġ timijiet mhux biss se jisfidaw għall-promozzjoni iżda wkoll għar-rebħ tal-kampjonat.
Tal-Ġilju Mqabba ma sabuhiex faċli sabiex jirbħu lil Birgu Boċċi Club B 5-3 filwaqt li Munchies u Tal-Balklor ħadu punt kull wieħed wara skor ta’ 4-4.
KLASSIFIKA – MDA L-EWWEL DIVIŻJONI
Ħamrun Bayern A 26, Floriana Ajax Premier Cars A 24, Żejtun Laċċi A, Birżebbuġa Lions 23, Sliema Lounge A 11, Floriana Ajax MCP 7, PO’s Bar 3, Ħamrun Bayern B 2.
KLASSIFIKA – MDA IT-TIENI DIVIŻJONI
Birgu Boċċi Club A 31, Domus Men’s 28, Duke’s Bar 24, Top Gun 16, Cox Bar 10, Żebbuġ Rangers DT, Beland Żejtun 8 , Leah’s Bar 1
KLASSIFIKA – MDA IT-TIELET DIVIŻJONI
Leah’ Bar B 31, Żejtun Laċċi Maypole 30, Birgu Boċċi Club B 21, Tal-Balklor Senglea 15, Munchies Bar, Mqabba Tal-Ġilju 13, Nicolo Isouard 11, Domus Ladies 7, Sliema Lounge B 5.
